كل ما يخص الراب

{ .. معنــى الراب ..}
: فى الاول احب اشرح معنى كلمة الراب او الهيب هوب وانواعة :
الراب (rap) أو الهيب هوب (hip hop) هو نوع من الغنا .
يجمع بين أداء الراب المختلف وهو لفظ الكلمات من غير الالتزام بلحن معين والإيقاع .
بدأ الراب في مدينة كينغستون بجاميكا في نهاية الستينات كنوع موسيقي جديد متفرع عن الدانسهول (dancehall).
انتشر في الولايات المتحدة الأمريكية في بداية السبعينات في حي برونكس،
ولاية نيويورك على أيدي الأمريكيين الأفارقة أو الزنوج ( السود ) ،
كما انتشر عالمياً منذ التسعينات.
في موسيقى الراب بيتكلم المغنين دايماً عن أنفسهم،
ولكن يستخدم النوع الموسيقي أحياناً في التعبير عن استيائهم وغضبهم
عن عدم توفير الخدمات أو فرص العمل، وعلى غير ذلك.
بيتميز أصحاب النوع ده من الغنا باللبس الفضفاض الواسع
و اللبس ده مستوحى من لبس رياضة البيسبول
لإن اللبس بيبقى بمقاسات واسعة في الرياضة دي .
ويتلخص أسلوب الراب أولاً بالإيقاع مع الكلام المقفى السريع .
وبشكل عام فإن صوت المغني أو المغنية مش هو المعيار
لكن نبضات الموسيقى نفسها وكلمات الأغنية هي دي البتأثر .
ومن نهاية التسعينات يؤدى الراب خارج أمريكا الشمالية،
وفي أنواع جديدة فرعية كثير عنه .
وفي كمان في بعض الدول العربية عدد من مؤدي هذا الأسلوب،
سواء باللغة العربية أو اللغة الإنجليزية.
كما يمارس في فرنسا واليابان بشكل كبير.
أنــواعه
الراب البديل (alternative rap)
سكرو (screw)
كرنك (crunk)
راب العصابات (gangsta rap) واشهر مغنيه العملاق 2pac
جي فنك (G-funk)
هاردكور راب (hardcore rap)
بوب راب (pop rap)
راب كور (rapcore)
ريغاي تون (reggaeton)
اولد سكول ( Old School )
نيو سكول ( New school )
فري ستايل ( Free Style )
هيب هوب ( Hip Hop )
آر آند بي ( R&B )
وهشرح بعض أنواعه هنـآآ
وفي البدايـة
Old School
هو نوع اغاني تكون في ألحـآن بسيطة .. ومن غير مؤثرآت صوت كثيره
وما يكونش الرابر ملتزم بنظام غناء معين يعني ممكن يغني مقطع سريع ومقطع بطيء
New School
ده عكس الـ old school بالتمام لإن الألحان تكون فيها مؤثرات
والرابر لازم يغني على وزن واحد يا يكون اداء سريع أو يكون أداء بطيئ
Gangsta Rap
طبعا الإستايل ده من اسمه باين و طلع بين العصابات كثير
والمغني بيغني عن الاجرآم والدمار والعصابات ... إلخ
Diss
ده نظام التحدي يعني تحدي بينك وبين خصم
أتفاق يكون بالتحدي أو حقد بين الخصوم
ويتم كتابة كلمات يهزء فيها الخصم ويضحك الجمهور عليه
يكون مخطط للاغنية ودارس الموضوع ومجهز اللحن ومؤثرات الصوت
Free Style
ده نظـآم التحديـآت
يعني زي الدس بس الدس بتكون كاتب كلمـاتكـ على ورقه و تسجل بالمايك عادي
وتضبط الهندسه الصوتيه واذا غلطت بمقطع تعيد وهكذا
بس الفري ستايل الحقيقي مافيهوش كدة !!!
الفري ستايل الحقيقي هو انك بتواجه الخصم و كل واحد بيغني من غير تركيز وتفكير
تركيزك وتفكيرك يكون بثواني بس يعني الي في قلبك على لسانك
لا كاتب كلماتك ولا مجهز اي حاجة
ومش لازم تحديات بالظبط ولكن المهم تطلع الكلام البتقوله بسرعة
من غير ما تكتب على ورقة وتجهزه يعني الفي قلبك على لسانك
Hip Hop
طبعا الستايل ده ما كانش موجود
كان مجرد عبارات من الجيش الامريكي
الجندي يكون متحمس و من كدة يعني
بس بعدين المغنين بقو يغنو عليه
و هو ستايل حماسي و علي الحان حماسيه
R&B
طبعا ده استايل بيكون لأغاني الحب والحزن
بختصار الاغاني العاطفيها
-=-=-=-=-
( مصطـلحـآآت الرااب )
أولاً ... أحب أقول مقدمة بسيطـة كدة
الراب فايدته الأساسية هي تطوير موهبة أي حد بيحب الكتابة لكن مع الحفاظ على إسلوبه الخاص
و لازم تعرف بإن مجرد قراية الكلمات مش يعني أنك فهمت المغزى بشكل تام
يعني المعنى أساساً في القلب ولازم إنت تعرف إزاي توصله عشان يتفهم
سـوااء قولته قدام مكوجي يفهموا أو قولته قدام وزير برضو يفهموا
يعني لازم تعرف توصلي المعنى من كلامك لكل مكان وزمان ودي موهبة لوحدها
ولكن مافيش حاجة تصعب أما نحـآول ونجرب
الكاتب : هو شخص لا يقلد أحداً و لكنه شخص لا يستطيع أحد تقليده
-----------------
يلا نبدأ بالمصطلحات البنسمعها في كل حتة دي
---------------------------------------
Mc
و هي اختصار
Master of Ceremonies
بمعنى استاذ الاحتفال او ما شابه و كان الأول الشخص ده بيساعد الـ Dj مش اكثر
بعدين بدأ الناس يهتموا بيه أكثر لحد ما بقـى منزلته زي الـ Dj
وبقـى أغلبية الرابر ملقبين نفسهم Mc
وبتدل على إنه رابر قوي
Dj
وهي إختصار
لـ Disk Jockey
بما اننا جبنا سيرته من شوية ومع إنه ما بيتعلقش بالراب دايماً بس خلينا نقول عليه
عشان تكون كل حاجة واضحة
وده شغلته احنا عارفينها أوي وهي انه بيعمل المؤثرات والأغاني للأفراح أو المناسبات
وهو البيعملنا الأغاني على الراديو لكن مالهوش في الراب بالخصووص
Rhyme
و معناها القافية وهي تماماً زي الشعر العربي او حتى الشعر الانجليزي
يعني تتوافق نهاية كل سطر مع السطر اللي بعده
مثـآل
المهم سألت عنو ، قالوا ده إسمه راب
وعن البيغنوا ، قالوا شوية شباب
Flow
ومعناه يعني جريان أو تدفق
وده بنشوفو في الراب او الشعر الجيد حتى العربي الفصيح
والدليل إنك بتحس وإنت بتقراه كإنك بتتشدد وما تقدرش تقف وانت بتقراه
و بتحس كل كلمة بتمسك في الكلمة اللي بعدها وما تقدرش تكملها من غير ما تقف أو تاخذ نفس
مثـآل
طبعاً الأمثلة كثيرة جداً وبنشوفهم في الرابرز المعروفين بالفلو بتاعهم وأنا إخترت مثال من أغنية لـ Mc Amin
لو رديت هرد تاني وممكن نبعد عـن الأغاني
وإنت عارف فين مكاني المنصورة ده عنواني
وإديك عرفت ازاي تلقاني عرفت أرضي فهمت قصدي
لازم تهدي وأديني بدي ليك خلفية لإني جادي
***************
جرب إقرا الكلام ده معاية كدة وشوف هتقدر تقف ولا لا
أنا جربت وبصراحة ما عرفتش أقف عشان فـلو أمين جامد جداً
وهو ده بقـآ الفـلو وده برضو موهبة كبيرة لليعرف يظبط الفـلو بتاعه
Line
وهو كل شطر من بيت الشعر و يكون كل بيت نهايته مناسبة للبيت القبله والبعده ( القافية ) .
Bar
هو بيت الشعر الكامل وهو مكون عادة من سطرين تحت بعض و أحيانا يكون السطر نفسه فيه اكثر
من سطرين و يجي بعده سطر تحت يكوّن البيت التام على حسب اسلوب الرابر
زي مثال أمين كدة العرضته من شوية في الفلو
مثال تاني
هبتديلكم الحكاية من الأول خالص من البداية
من ساعة ما ابتديت غناية وإزاي الناس وقفت معاية
*****************
لاحظ ( الحكاية ، البداية ، غناية ، معاية )
Lyrics
طبعا معناها هي كلمات الاغنية او كلمات مقطع الراب اللي انت كاتبها
و تسمعها كثير خصوصاً في الأغاني الاجنبية
كل الاغاني تسمى كلماتهم Lyrics
Intr
بداية الاغنية دخلة الأغنية ودي بتبقى موسيقية بس أو بكلمات جامدة جداً أو مقدمة للأغنية نفسها
أو أي حاجة في رغبة المغني يعملها في الأول
Verse
معناه بالعربي مقطع شعري و في الراب او اي اغنية اجنبية يعتبر الـVerse
هو كل جزء تتكون منه الاغنية يعني كل مقطع في الأغنية و تتكون الاغنية غالباً من كذا Verse
حسب طولها و توزيعها و نوعها و يفصل كل فيرس و فيرس الكورس
Chorus
و الكورس هو المقطع اللي بيتعاد كل مرة بعد كل فيرس و احياناً بيبقى الكورس في بداية الأغنية وهو الإنترو ليها .
Hook
أحياناً مش دايماً بيكون في الأغاني خاصة في الراب
وبيكون قبل الكورس وبيكون قصيرر نسبياً وبيكون في قوة يا إما في الموسيقى أو الكلمات
يعني يكون الفيرس هادي وفجأة يرفع الرابر صوته والموسيقى وأحياناً سرعة التيمبو حتى يخش على الكورس
Outr
يشبه الانترو لكنه اهدى شوية و بيكون في نهاية الاغنية و مش بالضرورة في كل اغنية
و في الرايم الكتابي يعتبر الاوترو هو اخر سطرين
خلينا نحط لكل ما سبق لليركس و الانترو و الفيرس و الكوراس و الهوك و الاوترو في مثال واحد
لأغنية Lose Your Self
Intro
Look, if you had one shot, one opportunity
To seize everything you ever wanted…One moment
Would you capture it or just let it slip
----------------------------------
Verse
His palms are sweaty, knees weak, arms are heavy
There’s vomit on his sweater already, mom’s spa...
.....
....
......
..........
.....This whole rap shit
He better go capture this moment and hope it don’t pass him
----------------------------------
Hook
You better
تلاحظ يدخل علطول على الكورس كإنه معاه
_________________
Chours
lose yourself in the music, the moment
You own it, you better never let it go
You only get one shot, do not miss your chance to blow
This opportunity comes once in a lifetime yo
_________________
Outr
You can do anything you set your mind to, man
" أنواع الـ Rhyme أو القافية "
Perfect Rhyme:
اللي هو بالعربي الطباق التام زي
TrueBlue, Mountainfountain
Imperfect Rhyme:
اللي هو الطباق الناقص زي
lap/shape, glorious/nefarious
Eye Rhyme:
اللي هو التشابه في كتابة الكلمة في حروفها و تهجئتها زي
love/move/prove
Ritch Rhyme:
هو الجناس اللفظي زي
blue/blew, guessed/guest
Assonant Rhyme:
اللي هو التوازن في القافية بتماثل في حروف العلة و اختلاف في الحروف الساكنة زي
dip/limp, man/prank
Consonant Rhyme:
عكس اللي قبله .. ده التوازن في القافية بتماثل الحروف الساكنة و اختلاف في حروف العلة زي
limp/lump, bit/bet
Scarce Rhyme:
القافية النادرة بكلمات لها خيارات محدودة زي
whisp/lisp, motionless/oceanless
Macaronic Rhyme:
اللي هي القافية المتألقة اللي بيستخدم فيها الرابر أكتر من لغة واحدة يعني يعمل اسباني على انجليزي و لا عربي على انجليزي في نفس الكلمات زي
glory/pro patria mori, sure/kreatur, queasy/civilisé, rap/5arab
خطوات الكتابه الصحيحه :
1. تسمـع اللحن مرة واتنين وتحدد عليه موضوع وتحاول تخليه موضوع جديد شوية عشان يسمعولك ناس كثير .
2. لازم تعرف ان كل verse ( مقطع ) بيكون فيه 16 جملة يعني 8 أبيات .
3. يا إما تألف على الورق وده الأحسن طبعاً أو لو بتحب الكمبيوتر أوي ألف على الـ Notepad برضو مافيش مشاكل .
4. لازم تحاول ما تشتتش أفكارك عن الموضوع الإنت بتألف عليه لإن ده الهيدي جمال في الكلمات .
5. خذ رأي أقرب الناس ليك وشوف هما هيقولولك ايه عليه .
6. دايماً حاول أما تخلص المقاطع تبتدي في الكورس وتحاول تخلي كلمات الكورس ملخص لكل مقاطع الأغنية .
7. حاول تخترعلك دَقة وإيقاع وتغني كلماتك عليه أو إدمجها مع اللحن كدة وشوف بقت عاملة ازاي قبل ما تعرضها على الناس .
8. حـآول تخلي الكلمات مناسبة مع إسلوبك عشان تعجب بيها الناس .
9. قبل ما تبتدي التسجيل اقعد ردد الكلام مع اللحن لغاية اما تحس انك خلاص وصلت للمستوى الإنت عايزه .
10. لو حفظت الكلمات بالمرة ده هيبقى أحسن ليك علشان كدة انت الهتتحكم بإسلوبك وممكن تعمل حاجة ما حدش عملها قبل كدة .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
و من التركات الجامده ف الراب المصري واخرهم واشهرهم هو (راب خام ) للرابير المشهور ( دينيو)
https://soundcloud.com/dinho-microscope/dinho-rap-5am
او ( التراك ده وحش ) ل (عفروتو )
https://soundcloud.com/ahmed-afroto-589343431/el-track-da-we7esh